Beyond Brutality

Today I have seen a brutal video clip spiraling on Facebook page called ព័ត៌មានថ្មី ទាន់ហេតុការណ៍​. Because of its brutality and immorality, I would like to recommend this page owner to completely delete it. It makes no sense to post such a video to your 46,161 fans spreading it to other people. I think that your fans are not happy with this kind of videos.  The video can be seen here, but don’t play it because it is too brutal.

To the Cambodian Facebookers: I don’t mean to discourage you from liking any facebook page, but I would like you to think again before becoming a fan of any page. Through my observation, as it is easy to create a page, many ordinary people create a fan page without understanding anything about ethic, effects, responsibility and morality.

Publishing such a violent and brutal video reflects a lack of professionalism and violating the government demand

សូមមានប្រតិកម្មទាក់ទងនឹងការបង្ហោះវិដេអូខ្លិបមួយ ដែលមាន​សភាពឃោរឃៅយង់ឃ្នង។ ថ្ងៃនេះខ្ញុំបានឃើញទំព័រហ្វេសប៊ុកមួយ ឈ្មោះព័ត៌មានថ្មី ទាន់ហេតុការណ៍។ ខ្ងុំមិនដឹងថាគាត់មានព័ត៌មានលឿនយ៉ាងណានោះទេ តែសូមសំណូមពរដល់ម្ចាស់ទំព័រអោយ ដកវិដេអូនេះ ចេញពីទំព័ររបស់ខ្លួន បើសិន​ជាគាត់ចង់អោយអ្នកគាំទ្ររបស់ខ្លួនពេញចិត្តនឹងទំព័ររបស់ខ្លួន។ ខ្ញុំពិតជាកោត​សរសើរ ណាស់ ដែលលោកអាចរកអ្នកគាំទ្របានច្រើនយ៉ាងនេះ។ តែសូមលោក​អាណិតអ្នកគាំទ្ររបស់លោកផង។

ចំពោះអ្នកប្រើប្រាស់ហ្វេស​ប៊ុកនៅស្រុកខ្មែរ៖ សូមគិតពិចារណាមុននឹងគាំទ្រ​ចំ​ពោះទំព័រណាមួយ។ ចំពោះវិដេអូខាងលើ សូម ជួយដាស់តឿនក្រើនរំលឹកដល់​ម្ចាស់ទំព័រអោយដកវាចេះ ពីព្រោះថា លោកអ្នកទទួលផលប៉ះពាល់ផ្នែកអា​រម្មណ៍យ៉ាងខ្លាំង ពេលដែល បានឃើញវិដេអូនេះ។

រដ្ឋាភិបាលកម្ពុជាក៏បានអំពាវនាវសារព័ត៌មានទាំងអស់ អោយបញ្ឈប់ការផ្សាយរូបភាពសាហាវឃោរឃៅបែបនេះដែរ។ បើទោះបីជា​លោកអ្នកចង់ការពារខ្លួនថា លោកអ្នកមិនចេះ មិនដឹងពីរឿងក្រមសីលធម៌សារព័ត៌មានក៍ដោយ លោកអ្នកគួរចេះស្អប់ខ្ពើម អំពើយង់ឃ្នងបែបនេះ។ នេះគឺព័ត៌មានបន្ថែមអំពីការអំពាវនាវរបស់ក្រសួងព័ត៌មានកម្ពុជា HERE.

សូមអរគុណចំពោះការពិចារណា

តើអ្នកគិតយ៉ាងម៉េចដែរ ចំពោះចម្រៀងតាមអ៊ិនធឺរណិត?

ទោះបីជាពេលខ្លះ ខ្ញុំចូលចិត្តមើលចម្រៀងតាមធ្យូបឬវិបសាយផ្សេងៗជាច្រើនក៏ដោយ តែខ្ញុំមិនគាំទ្រអំពើនេះទេ ពីព្រោះវាជាអំពើខុសច្បាប់និងអសីលធម៌។ ចំរៀងចេញលក់ភ្លាម ឃើញមានលើវិបសាយឬយូធ្យូបភ្លាម។​ ឥឡូវនេះម្ចាស់ផលិតកម្មត្រូវដាក់បន្ថែមឡូហ្គោមួយទៀត នៅខាងស្តាំ។ ឡូហ្គោនេះគឺជា ការហាមឃាត់អតិថិជន ខិលខូចមួយចំនួនមិនអោយ​ បង្ហោះបទចម្រៀងតាមអ៊ិនធឺណិត។

ការយកចម្រៀងគេមកដាក់បង្ហោះគឺជាអំពើខុសច្បាប់ពីព្រោះថា មានតែវីដេអូដែលយើងជាអ្នកផលិតខ្លួនឯងប៉ុណ្ណោះ ដែលយើងមានសិទ្ធបង្ហោះ (upload) តាមបណ្តាញសង្គមផ្សេងៗ មិនថា Youtube ឬហ្វេសប៊ុក។ យើងជាអ្នកប្រើប្រាស់ មានសិទ្ធត្រឹមតែចែករំលែកអ្វីដែលគេបង្ហោះរួចហើយប៉ុណ្ណោះ។  ក្នុងករណីខ្លះយើង​ថែមទាំងមិនអាចចែករំលែកអ្វីដែល គេបង្ហោះក៏មាន។ ការដាក់បង្ហោះតាមអ៊ិនធឺណិតអាចធ្វើឡើងបាន ក្រោយអំឡុងពេលណាមួយដែលកំណត់ដោយច្បាប់។

សូមគិតមើលថា ការធ្វើជំនួញក្នុងវិស័យចម្រៀងមានប្រភពចំណូលតែមួយមុខប៉ុណ្ណោះ គឺការលក់ស៊ីឌីចម្រៀងនេះឯង។ ក្រៅពីនេះអ្នកជំនួញផ្នែកកំសាន្តទាំងនេះ អាចរកចំណូលបានតាមការប្រគុំតន្រ្តីផ្សេងៗ។ តែដោយសារតែការចំណាយ​មានច្រើនជាងចំណូលពីការលក់ផលិតផលរបស់ខ្លួន មានផលិតកម្មមួយចំនួនបានឆ្លៀត​ផ្សាយពាណិជ្ជកម្មក្នុងចម្រៀងរបស់ខ្លួន ដោយដាក់ឡូហ្គោ ឬមានសារក្នុងរូបភាពជាអ្នកគាំទ្រ​ ពេលខ្លះធ្វើឡើងតាមរបៀប Product Placement ជាដើម។​

តែអ្វីដែលពីបាកវិភាគដែរនោះគឹថា មានផលិតកម្មចម្រៀងជាច្រើនបានយកបទរបស់គេ ដូចជាបទចម្រៀងរបស់ខ្មែរសុរិន ឬពីបរទេសផ្សេងៗមកបកប្រែឬយកសាច់ភ្លេងគេមកច្រៀង​តាម។​ មូលហេតុគឺដោយសារតែគាត់រកចំណូលបានតិចនេះឯង បានជាគាត់លោតឆ័ត្រ។ បើសិនជាយើងយកបទគាត់មកដាក់បង្ហោះសេរីអញ្ចឹង​ វារិតតែធ្វើអោយគុណភាពសិល្បយើង​មានភាពទន់ខ្សោយជាងមុន។ តែទោះជាយ៉ាងណា នេះជាការទទួលខុសត្រូវរបស់ផលិតកម្មនោះតែប៉ុណ្ណោះ។​

ខាងក្រោមនេះ សូមអនុញ្ញាត embed ចម្រៀងមួយបទហើយសូមពិនិត្យមើលឡួហ្គោថ្មី
ដែលផលិតកម្មចម្រៀងបានដាក់បន្ថែម។

សូមប្រកបមុខរបរដោយស្របច្បាប់។ សូមអរគុណ